2017 оны 6 сарын 16
Үнэтэй, тансаг машинаараа салхи татуулан давхиж явтал...

 

Нэг залуу саяхан худалдаж авсан үнэтэй ягуараа унан, хотоор салхи татуулан давхихаар шийджээ. Ингээд зам дээгүүр нисч буй мэт сэтгэгдэл төрөн, амьдралын энэхэн агшин үнэхээр гайхалтай санагдаж байв.

 

Гэнэт үнэтэй машиных нь хаа нэгтэй юм цохичих шиг болох нь тэр. Залуу толиндоо хартал замын хажууд нэгэн хүү зогсож байлаа.

 

 

Жолооч тэр даруйд машинаа зогсоогоод, үсрэн гарлаа. Тэрээр аймшигтай ихээр уурлан, хүүгийн гарыг угз татаж аваад:

-       Хөөе чи, миний Ягуарыг ямар үнэтэй гэж бодож байна?! хэмээн байдгаараа ориллоо.

 

Харин хүү айсан нүдээр түүнийг харснаа машиных нь зүг гараараа заав. Жолооч залуу зам руу хартал түүний машины урд бампераас хэдхэн ямх зайд нэгэн хүү хэвтэж байх бөгөөд түүнээс холгүйхэн тахир дутуу хүний  тэргэнцэр хэвтэх аж.

 

-       Тэр хүү яг зам дээр тэргэнцэрээсээ унахыг би харсан. Харин та түүнийг олж харахааргүй маш хурдтай ирж явсан. Тэгээд би танд дохио өгч, анхаарлыг тань татахын тулд чулуу шидсэн юм хэмээн хүү тайлбарлаад, Намайг уучлаарай... гэлээ.

 

Үүнийг сонссон залуу зам дээр хэвтэж буй хүү рүү гүйн очиж өргөж босгоод, тэргэнцэрт нь суулгав. Харин дараа нь, машин руу нь чулуу шидсэн хүүд дөхөж ирээд баярлаж талархсанаа чин сэтгэлээс илэрхийлсэн байна. “Хэрэв энэ хүү машин руу чулуу шидээгүйсэн бол яах байсан бол оо?” гэсэн аймшигт бодол залуугийн толгойд зурсхийн орж ирлээ.

 

Үнэтэй машины эзэн залуу хүүгийн шидсэн чулуу сэвтүүлсэн хэсгийг засч янзлаагүй бөгөөд орчин тойрондоо юу болж буйг анхааралгүй, галзуу мэт давхивал ямар гай учирч болохыг санаж байх зорилгоор дурсгал болгон үлдээсэн аж.

 

Д.Мигаа

Эх сурвалж: ZONE.MN

 

 

 

 

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...