2017 оны 2 сарын 6
BB крем болон CC, DD, EE, PP кремүүдээс хэрхэн зөв сонголт хийх вэ?

BB крем нь сүүлийн жилүүдэд охид эмэгтэйчүүдийн дунд ихэд алдаршсан бүтээгдэхүүн болж чадсан. BB кремээс гадна  CC, DD, EE, PP кремүүд ч мөн гоо сайхны хэрэглээнд байдаг боловч хэрэглэгчид төдийлөн хоорондын ялгааг мэддэггүй. Та бүхэнд дээрх кремнүүдийн ялгаа болон ямар төрлийн арьсанд тохирох бяцхан мэдээллийг хүргэе.

 

BB крем

 

 

BB крем буюу “beauty balm” хэмээх үгний товчлол. Гоо сайхны бальзам гэж нэрлэгдэх уг крем таны арьсыг хормын төдийд чийгшүүлж, гадны нөлөөллөөс цочирч улайсан арьсыг тайвшруулах үйлчилгээтэй.  Уг крем нь бүх төрлийн арьсанд тохиромжтой.

 

CC крем

 

 

CC крем  буюу “color control”. Уг крем таны арьсыг нэгэн жигд өнгөтэй харагдуулж чадна. Ихэнхи арьс духны хэсгээр бордуу бараан, хацрын хэсгээр ягаан туяатай харагддаг. Түүнчлэн арьсыг гөлгөр, толигор болгох элемент агуулдгаараа давуу талтай. Тослог болон тууралттай арьсанд тохиромжгүй бүтээгдэхүүн.

 

DD крем

 

 

DD крем “daily defense” буюу таны арьсыг өдөр тутамд хамгаалж чадах гоо сайхны бүтээгдэхүүн. Нарны хурц туяанаас арьсыг сайтар хамгаалж чадах хэдий ч арьсны нүх сүвийг бөглөдөг тул ахимаг насны эмэгтэйчүүдэд илүү тохиромжтой.

 

EE крем

 

 

EE  крем буюу extra exfoliation. Нэмэлт гуужуулагч уг крем арьсыг нөхөн сэргээж, үхэжсэн эд эсийг гуужуулж мөн нарны туяанаас хамгаалахын зэрэгцээ чийгшүүлнэ. Батга болон хэт ягаан туяаны гэрлээс хамгаалах үйлчилгээтэй. ЕЕ крем хэрэглээнд төдийлөн зонхилдоггүй. Хэт нимгэн эсвэл эмзэг арьстай хүмүүст илүү зохимжтой.

 

PP крем

 

 

PP крем буюу  "pink perfect"нь нүүр будалтын суурь бүтээгдэхүүн юм. Будалт хийхэд хамгийн  тохиромжтой бөгөөд арьсыг гөлгөр нэгэн жигд болгоно. Уг крем өөр бусад гоо сайхны бүтээгдэхүүнтэй хамтаар хэрэглэгдэнэ. Хэрэв та PP крем сонгосон бол нэмж крем болон энгэсэг тавих хэрэгтэй аж.

 

Үүнээс гадна АА крем гэж байх агаад anti aging буюу хөгшрөлтийн эсрэг үйлчилгээтэй бүтээгдэхүүн юм.

 

И.МӨНХЦЭНГЭЛ

Эх сурвалж: www.zone.mn

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...