2017 оны 1 сарын 30
Израильд хийсэн ер бусын фото аялал

 

Иордан голын баруун эрэгт еврейн суурингууд байдаг. Тэдний эргэн тойрон арабын газар нутгаар хүрээлэгдсэн учраас дэлхийн ихэнх улс орнууд эдгээр газар нутгийг эзлэгдсэнд тооцон, еврейчүүдийг тэндээс яваасай гэж хүсдэг. Харин израильчуудын хувьд, түүхэн хэлхээ болон дайны үр дүнтэй холбон тэндээс явахыг хүсдэггүй.

Ингээд ер бусын Израильтай танилцахаар тэдгээр суурингуудыг зорьсон сурвалжлагчийн аялалтай танилцацгаая.

 

Өнөөдөр тэндэх газар нутаг А,В,С гэсэн гурван бүсэд хуваагджээ. Эхнийх нь, Палестины засаг захиргаа болон цэргийнхний хяналтад байдаг хотууд. Тийшээ израильчуудыг орохыг хориглодог. Хоёр дахь нь, нэгдсэн хяналтын бүс. Тэнд Израилын арми аюулгүй байдлыг хангах хэдий ч хотууд болон замууд нь Палестиных. Харин гурав дахь бүс нь, Израилын суурингууд-анклавууд.

“В” бүс дундуур явахад огтхон ч аюулгүй. Гаднаас нь харахад, ердийн хөдөөний суурингийн замаас ялгагдах зүйлгүй, харин замын зогсоолуудыг авто халдлагаас хамгаалан бетонон хаалт хийсэн байв.

Израилын суурингууд хашаагаар хүрээлэгдсэн бөгөөд тийшээ зөвхөн хяналтын цэг дамжин орох боломжтой. Орох хаалганы дэргэд палестин дугаартай машинууд олноор зогсоно. Тэднийг дотогш орохыг хориглодог учраас тэдгээр суурингуудад ажил эрхэлдэг арабууд машинаа гадаа орхиод явганаар ордог аж.

Дотогшоо орж машинаа тавиад харахад, хувийн байшингууд бүхий энгийн л байдаг израилийн гудамж нүднээ тусна. Иймэрхүү гудамжууд Тель-Авивын захаар болон тус улсын бусад хотуудад ч дүүрэн байдаг.

Аюулгүй байдлын үүднээс, тосгоны нэрийг цохон заахгүй байхаар шийдлээ. Би нэгэн сууринд очсон юм. Бусад нь түүнтэй бараг адил.

Дэд бүтэц нь энд дажгүй юм. Халуун нарнаас халхалсан хүүхдийн тоглоомын талбай. Хажууд нь хүүхдийн цэцэрлэг байна.

Шуудангийн хэсэг. Оршин суугч бүр өөрийн шуудангийн хайрцагтай тул шалгахаар ийшээ ирцгээдэг.

Цагдаагийн жижиг хэсэг байх бөгөөд тэнд хэн ч байхгүй байв.

Хөдөөний хүнсний дэлгүүр нь нэг иймэрхүү.

Суурингийн нэг хэсэг. Өмнө хэсэгт нь оршин суугчдад зориулсан усан сан байна.

 Энд амьдардаг хүмүүс газар нутгаа хичнээн их хайрладаг нь харагдана.

Элсэн цөл байсан газрыг тэд өөрсдийн гараар ингэж тарималжуулжээ.

Суурин хөгжсөөр байгаа бөгөөд энд удахгүй орон сууцны шинэ хороолол байгуулагдах юм байна.

Ажиллах гол хүч нь палестинчууд. Тэд Израилын бүхий л барилга байгууламжууд дээр ажилладаг. Арабууд “эзлэгдсэн” газар нутгууд дээрээ өөрсдийн сайн дураар ажилладаг бөгөөд муугүй цалин авдаг.

Зарим улс орнууд болон НҮБ-ын зүгээс суурьшлын бүтээн байгуулалтаа зөвхөн “ногоон шугамны” цаана хийн, тэдгээр газар нутгийг нэн даруй орхин явахыг шаарддаг аж.Харин еврейчүүд татгалздаг. Дараах зургаас харахад, яагаад гэдэг нь ойлгогдохоор. Тэртээ цаана далайн эрэг болон өндөр байшингууд харагдаж байна. Энэ бол Тель-Авив. Тэндээс дурын пуужин наашаа нисч ирээд, дуртай байгаа ононо. Тэгээд ч эдгээр суурингуудыг арабуудад өглөө гэж бодоход тэднийг буудахгүй гэсэн баталгаа байхгүй.

Миний очсон суурин маш жижиг учраас тэнд ажил гэхээр зүйл бараг байхгүй. Харин тэндээс Иерусалим, Тель-Авив мэт том хотууд руу очиход ердөө ганц цаг шаардагдана. Харин тийшээ хүрэх зам нь биднийхээс арай илүү эрсдэлтэй. Арабчуудын бослого болон халдлагын үед уг зам аюултай бүс болж хувирдаг. Зам дээр цэргүүд эргүүл хийх хэдий ч орон нутгийн иргэд биеэ хамгаалах зэвсэггүйгээр гадагшаа явдаггүй. Харин араб хүүхдүүд израилын машинуудыг чулуугаар нүүлгэх үед гар буу тусалж чаддаггүй.

 Энэ суурин руу том хотуудаас ч хүмүүс ирж, байшин худалдаж аван, үр хүүхдүүдээ цэнгэг агаарт өсгөдөг аж. Тэгээд ч иймэрхүү буйдхан суурингийн оршин суугчид төрөл бүрийн хөнгөлөлт эдэлдэг юм байна.

Хэрэв яг адил хэмжээний мөнгөөр хоёр өрөө орон сууц эсвэл хоёр давхар байшин худалдаж авч болно гэвэл та алийг нь сонгох вэ?

 Байшин бүрт бөмбөгдөлтөөс хоргодох нуувч байдаг.

 Бусдаар бол зүгээр энгийн тайван амьдрал харагдана.

Арабын тосгон болон далайн эргийн Тель-Авив, Герцли хотуудын дүр зураг.

 Байгаль нь өвөрмөц, ер бусын гэхээр. Библи дээр дүрслэгддэг зураглал энд төсөөлөгдөнө. Ер нь Библи дээр гардаг үйл явдлууд энд болж өнгөрсөн билээ.

Хувийн байшинд амьдардаг израильчууд ногоо тарьдаггүй хэдий ч жимсний модод хашаандаа тарих дуртай.

 Нэгэн гудамжны буланд израиль дугаартай хуучны “Жигули” байхыг харав. ЗХУ Израиль руу машин экспортолдоггүй байсан тул энэ машин ямар замаар энд ирснийг бодоод олсонгүй.

 Суурингийн оршин суугч Рони эртний Ситроен цуглуулах хоббитой гэнэ. Түүний байшингийн гадуур дүүрэн эртний “францууд” байх аж.

Суурингийн ихэнх байшингуудыг зохион бүтээсэн архитектор өөртөө ийм байшин барьсан байна.

 Энэ газар нутаг дээр үргэлж амар тайван байх болтугай.  

 

Д.Мигаа

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...