Хятадын Чибао хотноо нээгдсэн нэгэн шинэ худалдааны төв дотор дэлгүүр хэсч буй эхнэрээ хүлээж байгаа эрчүүдэд зориулсан насанд хүрэгчдийн тусгай саатуулах газрыг нээсэн байна. Дэлгүүр хэсэх дургүй нөхрүүдэд зориулсан өрөөнд зөөлөн буйдан, массажны сандлууд, телевизор зэргийг байрлуулжээ хэмээн  Shanghai Daily-д мэдээлжээ.

Саатуулах өрөөнд үлдсэн эрчүүд мөн олон янзын сонин сэтгүүлүүдээс дуртайгаа сонирхон цаг нөхцөөж болох аж.

Хятадын энэхүү өвөрмөц шинэ санаачлагыг интернет хэрэглэгчид янз бүрээр хүлээж авч байгаа бололтой. Эхнэрүүд нь картыг нь бариад дэлгүүр хэсч яваа тохиолдолд баргийн эр налайгаад сууж байх нь юу л бол гэж нэг хэсэг нь тохуурхаж байгаа бол, нөгөө нь худалдааны төвд хүүхдийн өрөө нээсэн бол илүү үр өгөөжтэй байх байсан гэжээ. Харин зарим нь,  эрчүүд шопингийг үзэн яддаг тул яг хэрэгтэй өрөө нээгдэж гээд ихэд талархалтай хандаж байгаа бололтой. 

Д.Мигаа

Эх сурвалж: ZONE.MN