2016 оны 9 сарын 5
Ухаалаг шүгэл гэж та сонсож байсан уу?

Бүх л эд зүйлс “ухаалаг” гэх тодотголтой болж буй энэ цаг үед хүн төрөлхтний түүхэнд өөрийн байр сууриа нэгэнтээ эзэлсэн эд зүйлс ч технологийн хөгжлийг дагаж шинэчлэгдэж буй.

 

 

 

Үлээн дуугаргаж, дохио өгөх хэрэгсэл: шүгэл дуугарах (шүглийн дуу гарах), шүгэл үлээх (шүгэл үлээн дуугаргах), шүгэл тас хийх (шүгэл тас хийн дуугарах) - Тэгтэл удсан ч үгүй шүгэл тас хийж, зодоон эхэлж гэнэ. Д.Мягмар. Нийлэх замын уулзварт., цагдаагийн шүгэл (цагдаа хүний дохио өгөх хэрэгсэл) хэмээн Монгол хэлний их тайлбар толинд бичсэн байдаг.

 

 

 

 

 

 

Английн Темза мөрний тэнгисийн цагдаагийн газрын ажилтан Мартин Гилкрист (Martyn Gilchrist) цагдаагийн шүгэл зохион бүтээж 1820 оноос Темзагийн цагдаа нар ашиглаж эхэлсэн бол 1860-1890 онд цагдаагийн ажилтанууд ашиглах болсон байдаг аж.

 

Та аюул осолд орсон, бусдын тусламж зайлшгүй хэрэгтэй тохиолдолд ухаалаг шүглийг ашигласнаар асуудлаа хялбархан шийдэх боломжтой болжээ.

 

 

Хэн ашиглах вэ:

 

 

Тус ухаалаг шүгэл нь охид эмэгтэйчүүд, хөгшин настай хүмүүс, мөн байнгын асаргаа хэрэгтэй хүмүүс болон уулын болон дугуйн зэрэг экстрим спортоор хичээллэдэг тамирчид зэрэг аюул осолд өртөх магадлал өндөртэй бүлгийн хүмүүст нэн тустай хэрэгсэл болж чадсан байна.

 

Магадгүй ухаалаг гэх үг олон нийтийн дунд ухаалаг  утас гэдгээр анх танигдсан. Бидний сонирхуулж буй ухаалаг шүгэл бол та бидний салшгүй хэрэглээ болсон ухаалаг утастай тусгай аппликейшны тусламжтайгаар холбогддог юм.

 

GPS болон Bluetooth-р холбогдох уг ухаалаг шүгэл нь шүгэлний их бие болон тусгайлан гаргасан аппликейшн гэсэн хоёр хэсэгтэй.

 

Та ухаалаг утаснаасаа WISO аппликейшныг татаж авснаар хэрэгтэй үедээ тусламж авах  ойр дотны хүмүүсийнхээ утасны дугаарыг холбох боломжтой болно.

 

Тусламж дуудах:

 

 

Бүсгүй таныг үл таних этгээд дагаад байгаа тохиолдолд та ухаалаг шүглээ ашиглаж болно. Тусламж дуудах буюу SOS-г идэвхижүүлэхийн тулд шүглээ үлээх эсвэл тусгай товчийг ердөө хоёр секунд дарахад хангалттай.

 

Энэ үед таны бүртгүүлсэн  гурван дугаарт SOS буюу тусламж дуудсан мессеж цахим шуудангаар болон гар утсанд нь мессежээр очно. Уг шүгэл Андройд болон IOS аль алийг дэмжих боловч  Андройд утсанд бол шууд дуудлага ирдэг байна.

 

 

Шүглээ үлээж дуу гаргаснаар аюулд орсон хүн ойр хавьдаа чимээ өгөх давхар боломжтой. SOS-г идэвхижүүлснээр гурван минут тутамд аюулд орсон хүний байршлыг газрын зургаар үзүүлдэг бөгөөд та өөрөө шүглээ унтраах хүртэл уг үйлдэл давтагдах аж.

 

Мөн шүглийг идэвхижүүлсэн үед тухайн үед болж буй яриаг бичиж авах боломжтой.

 

 

Загварлаг:

 

Загвар сайтай, өнгөний хувьд цэнхэр ногоон гэсэн сонголттой. Цүнхэндээ зүүх боломжтой нь аюул тулгарсан үед цаг алдалгүй тусламж гуйхад тун хялбар болгожээ.

 

Хийцийн хувьд уян хатан бөгөөд цаг агаарын буюу гадаад орчны нөлөөнөөс үл шалтгаалан ажиллах боломжтой аж.

 

 

Ганц үйлдлээр өөртөө тусламж авах нөхцлийг бүрдүүлж өгсөн уг шүгэл нь өндөр настай ганц бие ахмад хүмүүс, сургуулийн насныхан болон эмэгтэйчүүдэд түлхүү зориулагджээ.

 

 

И.МӨНХЦЭНГЭЛ

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...