2016 оны 8 сарын 16
46 жилийн настай чулуужсан ургийг “төрүүлжээ”

1955 онд энэ явдал болсон юм. Тухайн үед Колумбийн нэгэн тосгоны оршин суугч Захра Абоуталиб хэмээх эмэгтэй төрөх үеийн дуншилт өгч төрөх болсон гэж үзээд эмнэлэгт очсон байна. Гэвч түүний нүдэн дээр жирэмсэн эмэгтэй эмнэлгийн орон дээр амиа алдсан хэрэг гарчээ. Төрөхөөр очсон эмэгтэй  амиа алдахыг харсан Захра эмнэлгээс зугатан гарч гүйжээ.

 

 

Маргааш нь Захра төрөх өвдөлт эхэлж хэзээ төрөхөө хүлээж хэсэг байсан боловч ахин өвдөөгүй гэнэ. Түүнээс хойш олон жил өнгөрч Захра гурван хүүхэд өргөж авч, олон сайхан үр ачтай эмээ болжээ.

 

 

Гэсэн хэдий ч 75 настай Захрагийн толгойноос өнөөх хэвлийд нь бүрэлдсэн авч төрөөгүй хүүхдийн тухай бодол гарахгүй байсан гэдэг.

 

Олон жилийн өмнө дуншиж байсан тэр өвдөлт ахин хэвлийд нь мэдрэгдэхэд тэрбээр эмнэлэгт ханджээ.

Эмч нар түүний зовиурыг сонсоод өндгөвчний хорт хавдар хэмээн оношилсон байна. Гэвч Захра нарийн мэргэжлийн шинжилгээнд ороход түүний хэвлийн өвдөлт хорт хавдар биш, чулуужсан ургаас болж буйг илрүүлжээ.

 

46 жилийн турш Захрагийн хэвлийд ураг чулуужиж тэр нь зовиур болж ирсэн байна.

Захрагийн савны гадуур үр тогтож ураг улмаар томорсон хэдий ч өсөлтгүй болж хэвлийдээ амьгүй болжээ. Олон жилийн турш амьгүй ургийн гадна кальци бүрэлдэж чулуужихад хүргэжээ.

 

 

 

Энэ мэт ураг хэвлийд чулуужсан хэрэг 300 гаруй бүртгэгдсэн боловч Захрагийн эл тохиолдол хамгийн удаан хугацаанд амьгүй ураг тээсэн тохиолдол болж байгаа ажээ.

                                                                                                                               И.МӨНХЦЭНГЭЛ

 

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...