2017 оны 11 сарын 27
Секс боолчлолд 10 жил хоригдож байсан бүсгүйг суллажээ

 

Румынээс ирсэн бүсгүйг 10 жилийн турш секс боолчлолд хорьж байсан 52 настай эрийг Италийн өмнө зүгт цагдаагийнхан баривчилсан байна. Энэ тухай  La Corriere Della Sera мэдээлжээ.

 

Секс-боол бүсгүйг тохиолдлын байдлаар цагдаагийнхан мэдсэн аж. Хэв журам сахиулагчид туранхай эцэнхийн туйл болсон, бохир заваан хувцасны оронцогтой хүүг дагуулж явсан нэгэн эрийг анхааралдаа аван сэжиглэж зогсоон, хүүг ямар нөхцөлд аж төрдөг болохыг шалгахаар шийдсэн байна.

 

Ингээд заасан хаягаар очиход байшингаас гарч буй үнэр тэднийг үнэхээр гайхашруулсан гэнэ. Байшинд нэгжлэг хийхийн тулд тэд хамгаалалтын маск зүүхэд хүрсэн аж.

 

Тэрхүү муухай үнэр доод хонгилоос гарч байсан тул тийшээ орон үзлэг хийхэд гэрэл цахилгаан, сантехникийн шугам байхгүй харанхуй өрөөнд төмөр орон дээр 29 настай эмэгтэй болон гурван настай охиныг хүлсэн байж.

 

Хэрэг явдлыг нарийвчлан шалгаад иртэл, уг бүсгүй олон жилийн өмнө Румынээс ирж, уг тамлагч эрийн эхнэрт гэр орны ажилд нь тусалдаг байсан аж. Ингээд гэрийн эзэгтэйг нас барсны дараа тухайн үед 19 настай байсан бүсгүйг бэлэвсэн эр хонгилд түгжин, секс-боол маягаар ашигладаг байсан гэнэ.

 

Румын бүсгүй хоригдож байх хугацаандаа хүү, охин хоёр төрүүлсэн бөгөөд одоо тэд нийгмийн халамжид хамрагдахаар асрамжийн газарт хүргэгджээ.

 

Хүчирхийлэгч эрийг тэр дор нь баривчлан, хууль бусаар хүн хорьж хүчирхийлж байсан хэргээр буруутган хорьсон бөгөөд уг хэргийг мөрдөж байгаа прокурор 30 жил ажиллахдаа иймэрхүү хэрэгтэй таарч байгаагүй хэмээн онцгойлон дурдсан байна.

 

Д.Мигаа

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...