2017 оны 11 сарын 24
Нүцгэн гараараа могойг барьж аван хөнөөжээ

 

Индонезийн орон нутгийн нэгэн галт тэргэн дотор хийсэн видео бичлэг интернетэд тавигдсан байна. Дүүрэн хүнтэй галт тэргэн дотор могой байсан нь хүмүүсийг сандаргасан бололтой.

 

Галт тэрэг ослын зогсолт хийнгүүт нэгэн зорчигч эр нүцгэн гараараа могойг барьж аван, шал руу саваадан хөнөөх аж. Уг үйл явдал энэ сарын 21-нд Богороос Жакартаг зорин явж байсан галт тэргэнд тохиолджээ.

 

 

Нүдний шилтэй зорчигч эр ачааны тавиур дээрээс могойг сүүлдэн татаж, саван хөнөөгөөд галт тэрэгнээс гарган шидэж буй бичлэг анх мэдээллийн JKTINFO эх сурвалжийн Инстаграм дээр нийтлэгдсэн аж.

 

Энэхүү болсон явдалтай холбогдуулан зорчигч тээврийн компаниас мэдэгдэл хийсэн бөгөөд тэдний үзэж буйгаар уг могой хэн нэгэн зорчигчийн цүнхнээс алдагдсан байх магадлалтай гэсэн байна. 

 

 

Д.Мөрөн

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...