2017 оны 11 сарын 14
Жүжигчин эрийн сүнс хамгийн сүүлд тоглосон тайзан дээр нь үзэгджээ

 

Британийн Сандерлэндийн оршин суугч, 48 настай Грэм Лей 1960-1970-аад оны үеийн алдартай жүжигчин Сид Жеймсийн сүнсний зургийг дарж амжсан тухайгаа батлаад байгаа аж. Түүний өгүүлснээр, талийгаач жүжигчин эрийн сүнс 41 жилийн өмнө тоглолтын үед таалал төгссөн Sunderland Empire театрын тайзан дээр үзэгдсэн гэнэ.

 

"Mamma Mia" мюзикл тоглож байх үеэр найрал хөгжимчдийн дээгүүр дугуй хэлбэртэй ер бусын гэрэл эргэлдэхийг Лей харсан аж. Энэхүү хачирхалтай үзэгдлийн зургийг британи эр дарж амжсан бөгөөд энэ нь 1976 онд  Sunderland Empire-ийн тайзан дээр зүрхний шигдээсээр таалал төгссөн нэрт жүжигчин Сид Жеймсийн сүнс мөн гэдэгт тэрээр итгэлтэй байгаа тухай  Mirror мэдээлсэн байна.

 

 

Иймэрхүү зүйл урд өмнө хэзээ ч харж байгаагүй хэмээн британи эр өгүүлжээ. “Би өмнө нь хэзээ ч нэгдүгээр эгнээнд сууж байсангүй. Тэр удаад тайзны зураг авахыг хүсэн ойртож суусан бөгөөд гэнэт тайзан дээгүүр гэрэлт хоёр бөмбөлөг эргэлдэж байхыг харсан. Тэднийг зөвхөн камерын дурангаар харах боломжтой байсан бөгөөд миний хажууд суусан хүмүүс юу ч ажиглаагүй байсан” гэж Лей ярьсан аж.

 

 

“Хошин урлагийн жүжигчин Сид Жеймс үргэлж баяр баясгалангаар дүүрэн хүн байсан бөгөөд түүний сүнс бөмбөлгөн долгион маягаар харагдсан гэдэгт итгэлтэй байна” хэмээн тэрээр цохон дурджээ.

 

 Энэхүү болсон явдал нь Sunderland Empire театрт Жеймсийн сүнсийг харсан анхны тохиолдол биш бөгөөд 1989 онд жүжгийн тоглолтын үеэр талийгаач алдарт жүжигчний сүнсийг харсныхаа дараа жүжигчин Лес Доусон энэ театрт тоглохоос татгалзаж байсан аж. 

 

Д.Мигаа

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...