2017 оны 10 сарын 13
Хүүхдээ өмөөрсөн эцэг эхчүүд тоглоомын талбай дээр зодолджээ

 

Хятадад хоёр хүүхэд тоглоомоо булаацалдан муудалцсанаас болж хэд хэдэн эцэг эхчүүд тоглоомын талбай дээр зодолдон, нэг нь хөнгөвтөр гэмтсэн байна.

 

Уг явдал Хятадын өмнө зүгт орших Шэньжэнь хот дахь Xinghe iCO худалдааны төв дотор тохиолдсон тухай  South China Morning Post мэдээлжээ. Болсон явдлыг нүдээр үзсэн гэрчүүд гар утсаараа бичлэг хийн, олон нийтийн сүлжээгээр идэвхтэй тараасан аж.

 

Бичлэгээс харахад, тоглоомын талбай дээр хэд хэдэн эрчүүд барьцалдаж аваад, зарим нь томоохон тоглоом шүүрч аваад эсрэг этгээдээ цохихыг оролдож байна. Муудалцаанд зөвхөн хүүхдүүдийн аавууд төдийгүй тэдэнтэй хамт явсан найзууд нь хутгалдан оролцсон гэнэ.

 

Тэдний зодооныг худалдааны төвийн ажилтнууд арайхийн зохицуулан болиулжээ. Үүний дараахан олон нийтийн сүлжээгээр зодоонд оролцогсдын нэг нь комын байдалтай эмнэлэгт хүргэгдсэн гэх ташаа мэдээлэл гарч эхэлсэн тул худалдааны төвийн зүгээс албан ёсны мэдэгдэл хийхэд хүрсэн байна. 

 

 

Д.Мөрөн

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...