2017 оны 10 сарын 13
Гахайн торойнууд дарж алан зугаацсан фермер ялаар шийтгүүлжээ

 

Испанийн шүүх 79 гахайн торойн дээр үсэрч унан, гэдсээрээ дарж хөнөөсөн тарган фермер эрд 15 сарын хорих ял оногдуулсан байна. Түүний энэхүү үйлдлийг хөндлөнгөөс харан бичлэг хийсэн танил нь ч гэсэн ийм хэмжээний ял шийтгэл хүртсэн гэнэ.

 

Мөн тэр хоёрыг гурван жилийн хугацаанд амьтантай холбоотой ямар нэгэн ажил төрөл эрхлэхийг хориглосон аж. Түүнээс гадна, гахайн торойнуудыг өмчилж байсан компанид 4470 еврогийн торгууль төлөхөөр болсон тухай  Daily Mail мэдээлжээ.

 

 

Гахайн торойнуудыг дарж хөнөөсөн энэ хэрэг Альмери муж дахь Уэркаль-Овера хоттой ойролцоо орших нэгэн ферм дээр гарсан аж. Энд 18, 22 настай уг хоёр залуу ажилладаг байсан бөгөөд нэг нь литва, нөгөөх нь испани юм байна.

 

Тэдний нэг нь маш тарган бөгөөд 19-27 хоногтой торойнуудын дээрээс гурван удаа үсэрч, гэдсээрээ даран унасан гэнэ. Нөгөөдөх нь түүний энэхүү үйлдлийг гар утсаараа бичлэг хийгээд зугаацаж байжээ. Залуус наргиан болгож зугаацахыг хүссэн тухайгаа шүүх хурал дээр мэдүүлсэн бөгөөд, тэдний учруулсан хор хохирол тийм ч их сүртэй эд биш хэмээн өгүүлж байсан аж. 

 

 

Д.Мөрөн

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...